Shadi kay shuru kay days mein bohut si aurtein agarcha foreplay aur mubashrat (intercourse) sey lutf andooz hoti hain magar inki aik bari tadaad fitri tor per orgasm hasil nahi kar paati. Iss ka zimmedar ammoman mard nahi hota. Agarche woh mard jo surat e anzal ka shikar hotey hain woh iss masley ki wajah sey biwi ko mutmain nahi kar paatey. Aurton ki aik bohut bari tadaad sirf mubashrat (intercourse) sey orgasm hasil nahi kart sakti. Kuch aurtein jawani kay shuru kay saal mein fitri tor per orgasm hasil karney sey mehroom rehti hain. Aisi khawateen ko to baqaida orgasm hasil karna seekhna parta hai. Orgasm waley hissey mein iss mozou per tafseeli guftugu hogi.
Aurton ki aik bohut mamooli tadaad ko mubashrat (intercourse) ka bey hud khauf hota hai jis ki wajah sey mubashrat (intercourse) kay waqt inkay jism khusoosan taangein akar jaati hain aur faraj ka mu’nh bilkul band ho jata hai jis ki wajah sey mubashrat (intercourse) na mumkin hojata hai. Yeh aik beemari hai jis ka elaj bohut aasan hai. Iss ka tafseeli zikar agai aiga. Baaz aurton ko yeh masla nahi hota magar phir inkay liye dakhool bohut takleef deh bul kay naa mumkin hota hai. Iss ki wajah yeh hoti hai kay kuch khawateen ka parda e bakarat (Hymen) sakt aur mota hota hai jo dakhool mein rukawat banta hai. Aisi sorat mein kisi lady doctor sey rabta kiya jaey mamoli operation sey yeh masla hal ho jata hai.
No comments:
Post a Comment